ໃນຕອນເຊົ້າຂອງວັນທີ 08 ມັງກອນ 2024, ທີ່ຫ້ອງປະຊຸມໃຫຍ່ ສູນອິນເຕີເນັດ ແຫ່ງຊາດ, ກະຊວງ ເຕັກໂນໂລຊີ ແລະ ການສື່ສານ ໄດ້ມີພິທີ ສະຫຼຸບການຈັດຕັ້ງປະຕິບັດວຽກງານ ປະຈຳປີ 2023​ ແລະ ທິດທາງ ແຜນການປະຈຳປີ 2024. ໂດຍໃຫ້ກຽດເປັນປະທານໂດຍ ທ່ານ ມີນາໄຊ ພິລາວົງ ຄະນະພັກກະຊວງ ເຕັກໂນໂລຊີ ແລະ ການສື່ສານ,​ ເລຂາໜ່ວຍພັກ ສູນອິນເຕີເນັດແຫ່ງຊາດ,​ ຫົວໜ້າ ສູນອິນເຕີເນັດ ແຫ່ງຊາດ, ມີຄະນະສູນ, ຄະນະພະແນກ, ພ້ອມດ້ວຍພະນັກງານວິຊາການພາຍໃນ ສູນອິນເຕີເນັດ ແຫ່ງຊາດກໍ່ໃຫ້ກຽດເຂົ້າຮ່ວມຢ່າງພ້ອມພຽງກັນ.

ໃນພິທີດັ່ງກ່າວ, ທ່ານ ພົມມະທັດ ພູມະນີວົງ ຮອງຫົວໜ້າ ສູນອິນເຕີເນັດ ແຫ່ງຊາດກໍ່ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານ ປະຈຳປີ 2023​ ແລະ ທິດທາງ ແຜນການປະຈຳປີ 2024.

ຈຸດປະສົງ ໃນການຈັດຕັ້ງພິທີດັ່ງກ່າວກໍ່ເພື່ອ ສະຫຼຸບການຈັດຕັ້ງປະຕິບັດວຽກງານ ປະຈຳປີ 2023​ ແລະ ທິດທາງ ແຜນການປະຈຳປີ 2024 ແລະ ຍ້ອງຍໍຜົນງານຂອງການປະຕິບັດວຽກງານໃນໄລຍະປີຜ່ານມາ.