DNS (Domain Name System ຫຼື Domain Name Server) ຄືລະບົບທີ່ມີໄວ້ສຳລັບການບໍລິຫານຈັດການຂໍ້ມູນຊື່ໂດເມນ (Domain Name) ແລະ ມີໜ້າທີ່ຮັບຜິດຊອບໃນການປ່ຽນຊື່ໂດເມນດັ່ງກ່າວເປັນເລກທີ່ຢູ່ IP (IP Address) ເພື່ອເອົາໝາຍເລກ IP ດັ່ງກ່າວໄປຕິດຕໍ່ກັບເຊີບເວີອື່ນໆ ທີ່ຕ້ອງການເຊັ່ນ: Sever Email Hosting, Server Web Hosting, ແລະອື່ນໆ.
ຊື່ໂດເມນແມ່ນຫຍັງ ແລະ ມັນກ່ຽວຂ້ອງກັບ DNS ແນວໃດ?
ເວົ້າສັ້ນໆ ກໍ່ຄື Domain Name ແມ່ນຊື່ຂອງເວັບໄຊທ໌ຂອງພວກເຮົາທີ່ຕັ້ງຂຶ້ນມາ ເພື່ອເຮັດໃຫ້ມັນຈື່ງ່າຍ. ແລະ ສະດວກໃນການນໍາໃຊ້. ໂດຍບໍ່ຈໍາເປັນຕ້ອງໃຊ້ໝາຍເລກ IP ເພາະວ່າມັນຍາກທີ່ຈະຈື່ຈໍາ. ແຕ່ທາງດ້ານເຕັກນິກ ລະບົບການເຮັດວຽກທີ່ເຊື່ອມຕໍ່ລະຫວ່າງເຊີເວີ (server) ບໍ່ສາມາດໃຊ້ຊື່ໂດເມນເພື່ອການສື່ສານ, ດັ່ງນັ້ນຈິ່ງຕ້ອງມີ DNS ທີ່ເຮັດໜ້າທີ່ໃນການປ່ຽນຊື່ໂດເມນດັ່ງກ່າວເປັນໝາຍເລກໄອພີ (IP Address)
ຂັ້ນຕອນການເຮັດວຽກ DNS
ໃນຂະນະທີ່ມີຜູ້ຊົມໃຊ້ເອີ້ນໃຊ້ URL: ໂດເມນ ເຊັ່ນ www.lanic.gov.la ລະບົບຈະບໍ່ສາມາດນຳພາໄປຫາເວັບໄຊທ໌ນັ້ນໄດ້ເລີຍ ເພາະວ່າການເຮັດວຽກຂອງ server ຈະບໍ່ເຂົ້າໃຈຄວາມໝາຍຂອງ URL ນັ້ນ. ລະບົບຈະເຂົ້າໃຈພຽງແຕ່ໝາຍເລກໄອພີ (IP Address), ດັ່ງນັ້ນ; URL: www.example.com ຕ້ອງໄດ້ຮັບການປ່ຽນເປັນ IP 12.45.56.67 ເສຍກ່ອນ. ເພື່ອໃຫ້ສາມາດເອີ້ນຫາເວັບ ດັ່ງກ່າວໄດ້, ເຊິ່ງຕົວຫຼັກທີ່ສຳຄັນ ທີ່ຈະໄດ້ເວົ້າເຖິງຕໍ່ໄປນີ້ ຄືການເຮັດວຽກ ຂອງ Domain Name System (DNS) ນັ້ນເອງ.
ລະບົບ DNS ຈະເກັບຮັກສາຊື່ ແລະ ໝາຍເລກໄອພີ IP ຂອງເຄື່ອງເຊີເວີ ທີ່ກ່ຽວຂ້ອງຢ່າງເປັນລະບົບ, ລັກສະນະການເຮັດວຽກ ຈະເປັນແບບ Client/Server ໂດຍທີ່ເຊີເວີຈະເກັບຂໍ້ມູນຕ່າງໆ ທີ່ເອີ້ນວ່າ DNS Server.
ອ້າງອີງຈາກ
https://dnsblog.technologyland.co.th/
