01/07/2022
ຕອນເຊົ້າຂອງວັນທີ 30 ມິຖຸນາ 2022, ກຳມະບານຮາກຖານ ສູນອິນເຕີເນັດ ແຫ່ງຊາດ ໄດ້ຕ້ອນຮັບຄະນະ ສູນກາງສະຫະພັນກໍາມະບານລາວ ລົງຢ້ຽມຢາມ ສຸນອິນເຕີເນັດ ແຫ່ງຊາດ (ສອຊ), ນຳໂດຍ ທ່ານ ນາງ ອາລີ ວັງໜໍ່ບຸນທຳ ກໍາມະການສູນກາງພັກ, ປະທານຄະນະບໍລິຫານງານ ສູນກາງສະຫະພັນກໍາມະບານລາວ ພ້ອມດ້ວຍຄະນະ, ຮັບນໍາໂດຍ ທ່ານ ແກ້ວວິສຸກ ໂສລະພົມ ຄະນະພັກປະຈໍາ ກະຊວງ ເຕັກໂນໂລຊີ ແລະ ການສື່ສານ, ເລຂາໜ່ວຍພັກສູນອິນເຕີເນັດ ແຫ່ງຊາດ, ຫົວໜ້າ ສູນອິນເຕີເນັດ ແຫ່ງຊາດ ແລະ ທ່ານ ພອນສະຫວັດ ຄົງສະຫວັດ ຄະນະສະຫະພັນກຳມະບານ ກະຊວງ ເຕັກໂນໂລຊີ ແລະ ການສື່ສານ, ປະທານກຳມະບານຮາກຖານ ສູນອິນເຕີເນັດ ແຫ່ງຊາດ, ຮອງ ສູນອິນເຕີເນັດ ແຫ່ງຊາດ ພ້ອມດ້ວຍຄະນະ.
ພ້ອມດຽວກັນນັ້ນ ໃນກອງປະຊຸມດັ່ງກ່າວ ທ່ານ ພອນສະຫວັດ ຄົງສະຫວັດ ປະທານກຳມະບານຮາກຖານ ສູນອິນເຕີເນັດ ແຫ່ງຊາດ, ກໍ່ໄດ້ນໍາສະເໜີ ການສ້າງຕັ້ງ ແລະ ການຈັດຕັ້ງ ຂອງ ສູນອິນເຕີເນັດ ແຫ່ງຊາດ, ວຽກງານຂອງ ສູນອິນເຕີເນັດ ແຫ່ງຊາດ ແລະ ໄດ້ສະຫຼຸບ ການເຄື່ອນໄຫວ ວຽກງານກຳມະບານ ຮາກຖານ ສູນອິນເຕີເນັດ ແຫ່ງຊາດ ໃຫ້ແກ່ທາງ ຄະນະ ສູນກາງສະຫະພັນກໍາມະບານລາວ ທີ່ໄດ້ລົງມາຢ້ຽມຢາມໃນຄັ້ງນີ້ ໄດ້ຮັບຊາບນໍາອີກ.
ພາຍຫຼັງສຳເລັດກອງປະຊຸມແລ້ວ ທ່ານ ແກ້ວວິສຸກ ໂສລະພົມ ຄະນະພັກປະຈໍາ ກະຊວງ ເຕັກໂນໂລຊີ ແລະ ການສື່ສານ, ເລຂາໜ່ວຍພັກສູນອິນເຕີເນັດ ແຫ່ງຊາດ, ຫົວໜ້າ ສູນອິນເຕີເນັດ ແຫ່ງຊາດ ກໍ່ໄດ້ຖືໂອກາດ ນຳພາ ຄະນະ ສູນກາງສະຫະພັນກໍາມະບານລາວ ຢ້ຽມຊົມຫ້ອງເຄື່ອງ ແລະ ເບິ່ງການເຮັດວຽກຂອງອ້າຍນ້ອງ ຂອງ ສູນອິນເຕີເນັດ ແຫ່ງຊາດ ອີກດ້ວຍ.
ຂ່າວໂດຍ: ກມບ ຮາກຖານ ສອຊ
