ໃນວັນທີ 12 ມັງກອນ 2022 ໜ່ວຍພັກ ສູນອິນເຕີເນັດ ແຫ່ງຊາດ ໄດ້ເຂົ້າຮ່ວມຮັບຟັງປາຖະກະຖາ ທີ່ຫ້ອງປະຊຸມ ສະຖາບັນຄົ້ນຄວ້ານຳໃຊ້ເຕັກໂນໂລຊີອັດສະລິຍະ ກະຊວງເຕັກໂນໂລຊີ ແລະ ການສື່ສານ (ກຕສ), ໂດຍການເປັນປະທານຂອງ ສະຫາຍ ປອ. ສັນຕິສຸກ ສິມມະລາວົງ ຮອງເລຂາຄະນະພັກ ຮອງລັດຖະມົນຕີ ກະຊວງ ເຕັກໂນໂລຊີ ແລະ ການສື່ສານ. ສະຫາຍ ແກ້ວວີສຸກ ໂສລະພົມ ເລຂາໜ່ວຍພັກ ຫົວໜ້າ ສູນອິນເຕີເນັດ ແຫ່ງຊາດ ໄດ້ນຳຄະນະໜ່ວຍພັກ ແລະ ຕາງໜ້າສະມາຊິກພັກ ສອຊ ເຂົ້າຮ່ວມ, ມີຜູ້ເຂົ້າຮ່ວມຈາກບັນດາ ໜ່ວຍພັກຮາກຖານ ບັນດາ ກົມ/ສູນ ທຽບເທົ່າ ອ້ອມຂ້າງ ກຕສ ຢ່າງພ້ອມພຽງ.

     ການປາຖະກະຖາໃນຄັ້ງນີ້ ໄດ້ເຜີຍແຜ່ ຄຳແນະນຳ ກ່ຽວກັບການຈັດຕັ້ງປະຕິບັດກົດລະບຽບພັກປະຊາຊົນປະຕິວັດລາວ ສະໄໝທີ XI ສະບັບເລກທີ 102/ຄຈສພ, ລົງວັນທີ 24 ມິຖຸນາ 2021; ບົດແນະນຳຂອງຄະນະກວດກາສູນກາງພັກ ກ່ຽວກັບວຽກງານຕິດຕາມກວດກາຂອງພັກ, ຄະນະກວດກາພັກ ແລະ ຄະນະວິໄນຂອງພັກແຕ່ລະຂັ້ນ ສະບັບເລກທີ 194/ຄກສພ, ລົງວັນທີ 8 ກໍລະກົດ 2021; ວັນຊາດທີ 2 ທັນວາ ຄົບຮອບ 46 ປີ (2 ທັນວາ 1975 - 2 ທັນວາ 2021); ວັນເກີດຂອງ ປະທານ ໄກສອນ ພົມວິຫານ ຄົບຮອບ 101 ປີ (13 ທັນວາ 1920 - 13 ທັນວາ 2021) ແລະ ຜົນສຳເລັດການກໍ່ສ້າງທາງລົດໄຟ ລາວ-ຈີນ.       

                                                                         (ກາງ) ສະຫາຍ ປອ. ສັນຕິສຸກ ສິມມະລາວົງ ຮອງເລຂາຄະນະພັກ ຮອງລັດຖະມົນຕີ ກະຊວງ ເຕັກໂນໂລຊີ ແລະ ການສື່ສານ, ປະທານກອງປະຊຸມ.

                                                                                             (ຜູ້ທຳອິດ ຊ້າຍມືຂອງປະທານ) ສະຫາຍ ແກ້ວວີສຸກ ໂສລະພົມ ເລຂາໜ່ວຍພັກ ຫົວໜ້າ ສູນອິນເຕີເນັດ ແຫ່ງຊາດ.  

                                                                                     ຖ່າຍພາບລວມ ປະທານກອງປະຊຸມ ແລະ ບັນດາ ເລຂາ, ຄະນະໜ່ວຍພັກ ທີ່ເຂົ້າຮ່ວມ

ຂ່າວໂດຍ: ສອຊ