ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020 ຂຶ້ນ ໃນວັນທີ 09 ມີນາ 2021 ທີ່ກະຊວງ ປທສ

10/03/2021

       ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020 ຂຶ້ນ ໃນວັນທີ 09 ມີນາ 2021 ທີ່ກະຊວງ ປທສ, ໂດຍໄດ້ຮັບກຽດເປັນປະທານຂອງ ສະຫາຍ ທອງໃສ ຊານໄຊຍະ ຮອງເລຂາຄະນະພັກ ຮອງລັດຖະມົນຕີກະຊວງ ປທສ, ມີບັນດາສະຫາຍຄະນະປະຈຳພັກ ຄະນະພັກ ກະຊວງ, ເລຂາ, ຮອງເລຂາ ແລະ ສະມາຊິກພັກ ຈາກບັນດາໜ່ວຍພັກຮາກຖານ ແລະ ຄະນະພັກຮາກຖານ ອ້ອມຂ້າງກະຊວງ ປທສ ເຂົ້າຮ່ວມຢ່າງພ້ອມພຽງ.

     ໃນພິທີ ສະຫາຍ ທອງໃສ ຊານໄຊຍະ ໄດ້ໃຫ້ກຽດມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020 ໃຫ້ແກ່ 10 ໜ່ວຍພັກຮາກຖານບັນດາກົມ/ທຽບເທົ່າ ແລະ 14 ໜ່ວຍພັກທີ່ຂຶ້ນກັບຄະນະພັກຮາກຖານ ບັນດາບໍລິສັດອ້ອມຂ້າງກະຊວງ ປທສ. ພ້ອມດຽວກັນນັ້ນ ສະຫາຍ ທອງໃສ ຊານໄຊຍະ ກໍ່ຍັງໄດ້ໃຫ້ກຽດ ປາຖະກະຖາ-ໂຄສະນາ ລະນຶກວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 66ປີ (22 ມີນາ 1955-2021).

     ສະຫາຍ ແກ້ວວີສຸກ ໂສລະພົມ ຄະນະພັກກະຊວງ ເລຂາໜ່ວຍພັກ ຫົວໜ້າສູນອິນເຕີເນັດແຫ່ງຊາດ ໄດ້ຕາງໜ້າໜ່ວຍພັກ ຂຶ້ນຮັບໃບຢັ້ງຢືນ, ເຊິ່ງພິທີໃນຄັ້ງນີ້ ເປັນຂີດໝາຍອັນສຳຄັນຂອງ ຜົນສຳເລັດ ທີ່ໜ່ວຍພັກສູນອິນເຕີເນັດ ແຫ່ງຊາດ ຍາດມາໄດ້ເປັນສະໄໝທີ 5 ຕິດຕໍ່ກັນ.

ຂຽນຂ່າວໂດຍ:​ ສູນອິນເຕີເນັດແຫ່ງຊາດ

 

ການລົງທະບຽນລະຫັດຊື່ເປັນພາສາລາວ ໄດ້ແລ້ວ