ເພື່ອຄຳນັບຮັບຕ້ອນ ແລະ ສະເຫຼີມສະຫຼອງ ວັນ ກຳມະກອນສາກົນ ຄົບຮອບ 137 ປີ ( 01 ພຶດສະພາ 1886 – 01 ພຶດສະພາ 2023 ), ໃນຕອນບ່າຍ ວັນທີ 21 ເມສາ 2023 ທີ່ ອາຄານ ສູນອິນເຕີເນັດ ແຫ່ງຊາດ, ເຂດສາຍລົມ ໄດ້ມີການຈັດຕັ້ງກັນເພື່ອອອກແຮງງານລວມ ທັງພາຍໃນ ແລະ ພາຍນອກ ສູນອິນເຕີເນັດ ແຫ່ງຊາດຢ່າງເປັນຂະບວນຟົດຟື້ນ.

ຈຸດປະສົງໃນການອອກແຮງງານຄັ້ງນີ້ອັນດັບທຳອິດກໍ່ເພື່ອສະເຫຼີມສະຫຼອງວັນກຳມະກອນສາກົນຄົບຮອບ 137 ປີພາຍໃນຂອບເຂດທົ່ວປະເທດ ແລະ ອີກດ້ານໜື່ງກໍ່ເພື່ອຮັກສາຄວາມສະອາດທົ່ວ ສອຊ ເນື່ອງຈາກເຫັນໄດ້ຄວາມສຳຄັນ ຂອງສະພາບດິນຟ້າ, ອາກາດໃນໄລຍະນີ້, ອາກາດແລ້ງ ແລະ ຮ້ອນຜິດປົກກະຕິ ໃບໄມ້ແຫ້ງຫຼາຍ ເພື່ອປ້ອງກັນເຫດສຸກເສີນທີ່ອາດເກີດຈາກອັກຄີໄພ ສອຊ ຈືງໄດ້ສ້າງຂະບວນການອກແຮງງານມ້ຽນມັດເສດໄມ້, ໃບໄມ້ , ອຸປະກອນຕ່າງໆທົ່ວ ສອຊ ໃຫ້ເປັນລະບຽບຮຽບຮ້ອຍ ແລະ ຮັບປະກັນຄວາມປອດໄພທາງພາຍໃນ ແລະ ພາບນອກອາຄານ, ການອອກແຮງງານໃນຄັ້ງນີ້ ແມ່ນ ແບ່ງເປັນ 02 ຈຸຄື: ການອະນາໄມລວມອອ້ມຕຶກ ສອຊ ແລະ ການອະນາໄມກວດກາຄວາມເປັນລະບຽບຮຽບຮ້ອຍພາຍໃນອາຄານເຕັກນິກ B.

ພາບ ແລະ ຂ່າວ: ສອຊ