ຂ່າວໃໝ່

ບໍລິການຝາກເວບໄຊ້

ຄະນະຊາວໜຸ່ມຮາກຖານ ສູນອິນເຕີນັດ ແຫ່ງຊາດ ໄດ້ຈັດກອງປະຊຸມສະຫຼຸບຜົນງານການເຄື່ອນໄຫວປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2020 ຂື້ນໃນຕອນບ່າຍຂອງວັນທີ 29 ກໍລະກົດ 2020 ທີ່ຫ້ອງປະຊຸມໃຫຍ່ ສູນອິນເຕີເນັດ ແຫ່ງຊາດ. ໃຫ້ກຽດເປັນປະທານຂອງ ສະຫາຍ  ແກ້ວວິສຸກ ໂສລະພົມ  ຄະນະພັກກະຊວງ ປທສເລຂາໜ່ວຍພັກ ສູນອິນເຕີເນັດ ແຫ່ງຊາດຫົວໜ້າສູນອິນເຕີເນັດ ແຫ່ງຊາດ, ໃຫ້ກຽດເຂົ້າຮ່ວມໂດຍ ສະຫາຍ ນາງ ຈິດຕະພອນ ຈັນສີລິລາດ, ຮອງເລຂາຄະນະບໍລິຫານງານຊາວໜຸ່ມ ກະຊວງ ປທສ,​ ທ່ານ ພອນສະຫວັດ ຄົງສະຫວັດ ຫົວໜ້າສະຫະພັນກຳມະບານລາວ ຮາກຖານ ສອຊ, ທ່ານ ນາງ ອານິສອນ ກິ່ງສະດາ ຫົວໜ້າໜ່ວຍແມ່ຍິງ ສອຊ , ພ້ອມດຽວກັນນັ້ນຄະນະບໍລິຫານຊາວໜຸ່ມຮາກຖານ ສູນອິນເຕີເນັດ ແຫ່ງຊາດ ກໍ່ໃຫ້ກຽດເຂົ້າຮ່ວມຢ່າງພ້ອມພຽງ.

                            

ໃນກອງປະຊຸມ ສະຫາຍ ໄຊສົມຫວັງ ສຸວັນນະວົງ ຄະນະປະຈຳ ຄະນະບໍລິຫານງານຊາວໜຸ່ມ ກະຊວງ ປທສ, ເລຂາຄະນະບໍລິຫານງານຊາວໜຸ່ມຮາກຖານ ສອຊ ໄດ້ຂື້ນຜ່ານບົດສະຫຼຸບ ປະຈຳ 6 ​ເດືອນ​ຕົ້ນ​ປີ 2020 ແລະ ທິດທາງແຜນການ 6 ເດືອນທ້າຍປີ 2020, ສະຫາຍ ສຸລິສັກ ພົມມະແສນ  ຮອງເລຂາ, ປະທານກວດກາ ຄະນະບໍລິຫານງານຊາວໜຸ່ມຮາກຖານ ສອຊ ໄດ້ຂື້ນ ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2019 ແລະ ສະຫາຍ ນາງ ສຸວັນນີ ໄຊສົງຄາມ  ກຳມະການ ຄະນະບໍລິຫານງານຊາວໜຸ່ມຮາກຖານ ສອຊ ໄດ້ຂື້ນ  ເຜີຍແຜ່ໂຄງ​ຮ່າງ​ການຈັດ​ຕັ້ງ​ຂອງ​ຄະນະ​ຊາວ​ໜຸ່ມ ຮາກ​ຖານ ສ​ອຊ ແລະ ຜ່ານຂໍ້ຕົກລົງ ວ່າດ້ວຍການພົ້ນກະສຽນຂອງ ສະມາຊິກຊາວໜຸ່ມຮາກຖານ ສອຊ ສະບັບປັບປຸງ, ໃນກອງປະຊຸມຍັງໄດ້ມີພິທີມອບໃບຢັ້ງຢືນໃຫ້ຜູ້ທີ່ມີອາຍຸພົ້ນກະສຽນຂອງ ສະມາຊິກ ຈຳນວນ 4 ສະຫາຍ.

ໂອກາດນີ້, ສະຫາຍ  ແກ້ວວິສຸກ ໂສລະພົມ ຍັງໄດ້ໂອ້ລົມຕໍ່ກັບກອງປະຊຸມ ແລະ ເນັ້ນໜັກໃຫ້ຄະນະຊາວບໍລິຫານງານໜຸ່ມຮາກຖານ ສູນອິນເຕີເນັດ ແຫ່ງຊາດ ເອົາໃຈໃສ່ສຶກສາອົບຮົມການເມື່ອງ-ນຳພາແນວຄິດ ໃຫ້ສະມາຊິກຊາວໜຸ່ມມີຄວາມໜັກແໜ້ນ ແລະ ມີຄວາມອົດທົນຕັ້ງໃຈຝຶກຝົນຫຼໍ່ຫຼອມຕົ້ນເອງ ຈັດຕັ້ງປະຕິບັດວຽກງານ 4 ບຸກ ຕິດພັນກັບຂະບວນການຮັກຊາດ ຮັກພັດທະນາ ໂດຍຮ່ວມກັບ 3 ອົງການຈັດຕັ້ງໃຫ້ຕິດພັນກັບວຽກງານວິຊາສະເພາະ ເຊິ່ງບຸກຄົນໜຶ່ງແມ່ນຕ້ອງຮູ້ ແລະ ເຮັດຫຼາຍໜ້າວຽກ.